Kottayam, 14 February 2025: Congress-led opposition alliance khan Kerala te, United Democratic Front (UDF) khan, Friday din te alleged kuri shey ki accused toh Kottayam nursing college ragging case laka connections ase Left Party’s student organisation, Students Federation of India (SFI) lokot. Opposition VD Satheesan laka leader hisap pra, accused toh ragging torture te kun toh Government College of Nursing, Kottayam district te hwa toh SFI laka members khan thaki shey. Tai aro koishey ki Kerala Government Nursing Students Association (KGNSA) khan link ase Left-affiliated student organisation lokot. Satheesan pra koishey, Sop manu janeh taikhan SFI activists ase koina, hoileh echa deny kuri ase. Tai alleged kuri shey ki accused toh KGNSA lokot linked ase, ekta pro-left group ase. SFI khan hoileh eku connection nai koishey.
Etu hwa time te, higher Education Minister R Bindu strict action assured kuri shey Kottayam ragging case te. Minister Bindu pra koishey ki accused toh maximum sazah pabo hoileh note kuri shey limits khan government intervention te kileh maneh institution toh Kerala University of Health Sciences under te ase. Tai aro highlight kuri shey behavioural disorders khan utha bacha khan laka mojut te aro societal intervention nimite koishey. Tai aro koishey DME pra etka team, Deputy Director of Nursing Education pra lead kura, case toh investigate kuribo.
Incident ke bishi biya aro bishi brutal koi kina, Health Minister Veena George pra news agency ANI ke koishey ki Directorate of Medical Education (DME) khan preliminary report paishey nursing school pra. Tai koishey ragging toh hostel te hoishey aro accused toh general nursing students thaki shey. Tai DMI khan ke koishey higher officers khan phata boleh, aro echa taikhan officials lokot contact ase. Nursing schools khan already etu students khan ke suspend kuri dishey, tai pra news agency ke enika koishey.
Add Comment