Washington, March 21: Disney para confirm kurisey ki animated(cartoon) film Coco laga second part te officially kaam chuliasey.
The Hollywood Reporter hisap te, Coco 2 tu 2029 te thetatre te release hobole asey. Disney CEO Bob Iger para etu khusi laga khobor fan khan aro etu company laga Annual Shareholder Meeting laga investor khan logotey share kruisey.
Etu project tu etya bi suruwat stage te asey hoilebi Iger laga announcement para audience khan ke aro bisi details janibole eager kuridisey.
The Hollywood Reporter hisap te, Iger para enaka koisey, “Etu film tu etya suruwat stage te hey asey hoilebi amikhan janey ki etu toh hasi, khusi aro adventure para bhorta hobo aro amikhan joldi hi aro bisi share kuribole rukhibo napara hoisey,.”
Etu second part te Coco laga creative team para main members, jaiseki director Lee Unkrich aro co-director Adrian Molina ke wapas anibole asey.
Mark Nielson, kun poila te Toy Story 4 aro Inside Out 2 te kaam kurisiley, tai tu etu film laga producer hobole asey.
2017 te release huwa etu film ‘Coco’ tu logalog mashoor hoijaisey.
Etu cartoon film tu Miguel koikina ekta 12 years chokra laga bari te asey kun laga sapna tu ekta musician hobole laga asey aro kun ke golti para ‘Land of the Death’ te loijai.
Etu film tu Oscars logotey ekta Golden Globe for Best Motion Picture-Animated, Best Animated Film nimitey ekta BAFTA aro bisi Critics’ Choice Awards bi paisey.
Add Comment