Oscars 2021 virtual nathakibo

December 3, 2020. Oscars toh Covid bemari thaka nemite kenaka thakibo koikena kotha besi olai thaka toh award festival toh virtual nathakibo koikena fesla hoishe. “Oscars te manuh thakina loboli ase”, koikena Academy laga representative khan para variety.com te janai thishe. Hoilebi, Academy of Motion Arts aro Sciences khan para COVID-19 bemari thaka nemite annual telecast toh April 25, 2021 saal te othai thishe. Khobor besi para koishe ke, awards ceremony toh othai deya nemite, Academy khan besas ase ke cinema halls khan be puila neshina normal te ahibo, etu nemite annual celebration samai film besi compete koriboli paribo. Eta, Academy khan para event toh traditional neum te manibole sai ase. Hoilebi, tai khan para plan kora toh sabo aro ceremony toh Los Angeles, Dolby Theatre te thakiboli koishe. Etu samai, Malayalam film, Jallikattu toh 93rd Academy Awards, 2021 saal nemite official Indian entry, Best International Feature Film category te junikena. 2021 Oscars toh April 25 te thakiboli ase koishe. Aha saal Academy Award nemite nam junikena thaka toh February 9 darik te janai thibo aro nominations toh March 15 darik te janaboli koishe.