Paris, 21 October : Ousmane Dembele nijor return koribole ready ase Paris Saint-Germain (PSG) laga side te, karon taike defending champion laga squad te include korise UEFA Champions League match laga lagi Bayer Leverkusen uporte, Tuesday te.
Ballon d’Or winner Dembele September 5 pora hamstring injury karone sidelined thakise, kintu Monday te announce kora PSG laga 21-member travelling squad te taike include korise. Centre-back Marquinhos bhi squad te wapas ahise, 4 haafta thigh injury pora bahar thaka pichete.
France forward Dembele last mahina men’s Ballon d’Or jitise — football laga sabse dangor individual award — juntu taike Paris Saint-Germain ke first-ever Champions League victory loi jabole lead koribole karone di dise.
28 saal laga Dembele narrowly Barcelona laga teenage star Lamine Yamal ke beat korina award jitise, aru jaa saal laga winner Manchester City aru Spain midfielder Rodri ke replace korise. Dembele laga itu triumph ekta outstanding season pichete ahise, junte taike pura 35 goal marise sab competition milaikena aru PSG ke ekta historic treble jitibole guide korise — Champions League, French league, aru domestic cup.
Add Comment