P R: Security Forces Para Joint Operation Khan Kuria Tey, Cadre Khan Ke Dhuriboley Parishey, Bonduk & Guli Khan Bhi Recover Kurishey

May 05, 2025, 05:08 PM: Indian Army aru Assam Rifles para ekta series laga operation khan kuria tey, tai khan khobor khan pai kena operation khan kuria laga thakishey, itu hill aru valley district khan tey, Kakching, Tengnoupal, Bishnupur aru Kangpokpi tey, 27 April para 04^th May, 2025 majetey, tatey 17 cadre khan ke dhurishey itu dill aru valley based group khan ke aru 31 hatiyar khan, 14 Improvised Explosive Devices (IEDs), grenade khan, guli khan aru war tey chulawa saman khan nishina paishey.

26^th April, 2025 tey, Kakching District, Assam Rifles para Army aru Manipur Police logotey coordinate kuriboley ekta joint operation conduct kurishey, Moltingcham Village tey, aru tatey charta hatiyar khan recover kurishey, Self Loading Rifle (SLR), duita single-barrel gun khan aru ekta bolt action rifle, grenades, improvised launchers (pompi), guli khan aru war tey chulawa saman khan recover kurishey. Aru Tengnoupal

District tey, ekta area kuntu toh hoiley T Minou thaka area ekta tey, choita IED khan recover kurishey.

Ekta major operation khan tey, 29^th April, 2025 tey, tengnoupal district tey, Assam Rifles para itu Salvom – Molnoi axis phaney bisarishey aru teenta bunker khan biya kuri dishey aru 8 IED khan, grenade khan, guli khan aru war tey chulawa saman khan recover kurishey. Thik thak laga information tey act kuri kena, itu arms khan aru war tey chulawa saman khan thaka laga, Lotak Lake osor tey, Bishnupur laga 6 Kms South East nishina tey, Manipur Police logotey coordinate kuri kena, ekta search operation launch kurishey itu area tey, kuntu tey duita hatiyar khan paishey – ekta 7.62 mm SLR, ekta 9 mm Pistol, grenade ammunition thaka laga paishey, aru war tey chulawa laga saman khan thaki kena.

Itu same din tey aru bhi alag operation loishey, Indian Army para, CRPF, Manipur Police logotey coordinate kuri kena, ekta lukai kena thaka cache recover kurishey, charta hatiyar laga, bishi jungle thaka jaga tey, para, itu Phaileng, Kangpokpi District area tey.

01, May, 2025, information based operation launch kurishey, Assam Rifles para, Maohing Kuki laga general area tey, Kangpokpi District tey, kuntu tey paachta hatiyar khan recover kuriboley parishey.