WASHINGTON:
Japanese defence minister koishe refueling operation kura samay te duita American military aircraft Japan coast te crash hoishe. Etu military aircraft te thaka pachta(five) marines harai kena ase. Thursday te harai kena thaka marines ke bisari bole rescue operation lagaishe.
Takeshi Iwaya reporters ke koishe ekta crew member toh bachai luishe aro tai toh stable condition te ase.
Japanese Self-Defense (SDF) laga spokesman koishe dushra crew member bhi paishe. Hoile bhi tai laga condition opor te immediate khobor nai koishe.
Iwaya koishe US military aro Japanese Self-Defense harai kena thaka khan ke bishari ase.
3rd Marine Expeditionary Force statement te koishe marines khan etu din bhi hodai kuri thaka training toh conduct kuri thakishe. Crash toh 2am local time te hoishe.
Iwaya koishe F/A-18 fighter jet te duita crew thakishe aro KC-130 refuelling tanker te pachta(five) crew thakishe. Duita aircraft toh pani te crash hoishe. Etu crash toh 100 km dur cape of Muroto south-western Japan pani te hoishe.
Minister confirm kurishe ke rescue kura crew member toh fighter jet te thakishe.
Japan laga SDF nine aircraft aro teenta nao mrines ke bisari bole lagishe. Marines koishe Japan Maritime Self-Defense Force bisari bole efforts diya karne kushi pai ase koishe.
Etu aircrafts crash laga olop details he ase koishe. Crash laga investigation toh suru kori ase koishe.
Iwaya koishe crash para pani te bera nao ke affect kura eku khobor nai.
Yoshihiko Fukuda, mayor of Iwakuni city assembly ke koishe crash kile hoishe clear nohuwa tok military operations rukai kena rakhi bole koishe.
Fukuda koishe aro crash nohubole government aro US military ke crash laga reason bisari bole koishe.
US ambassador to Japan, Bill Hagerty, koishe haraija marines laga families aro collegues khan ke prathana aro comfort laga khobor pothai ase koishe. Japanese khan immediate response kora karne Japan ke khusi pa janaishe.
Add Comment