New Delhi, 25 May : India laga biggest civilian honours, Padma Awards Monday evening te Delhi te present kuri dise. Cinema, music aru theatre duniya laga celebrated names khan ke Padma Vibhushan, Padma Bhushan aru Padma Shri confer kuri dise.
Dharmendra ke posthumously Padma Vibhushan dise, juntu Monday te Hema Malini receive kuri dise. Satish Shah ke Padma Shri confer kuri dise, aru adman Piyush Pandey ke Padma Bhushan dise. Yumnam Jatra Singh laga Manipur aru R Krishnan laga Tamil Nadu ke bhi Padma Shri confer kuri dise.
Dharmendra laga career 65 saal porjonto asile aru tai last year November 24 te, 90th birthday age pora olop din agey te mara jaise. Tai 2012 te Padma Bhushan bhi paise. Satish laga career 49 saal porjonto ase aru tai last year October 25 te 74 saal age te mara jai dise.
Entertainment industry laga 44 stalwarts ke awards confer kuri dise. Singer Alka Yagnik aru Malayalam star MammoottyDroupadi Murmu laga para Padma Bhushan receive kuri dise Rashtrapati Bhavan te. Telugu actors Rajendra Prasad aru Murali Mohan, multi-lingual actor R. Madhavan, Bengali actor Prosenjit Chatterjee aru singer Tripti Mukherjee Padma Shri receive kuri dise.
Mammootty most recently Patriot te act kurise, juntu tai laga friend aru Padma Shri aru Padma Bhushan recipient Mohanlal bhi feature kurise. Mammootty 1998 te Padma Shri bhi paise. Madhavan recently hit Dhurandhar films te act kurise aru itu tai laga first Padma award ase. Itu Alka Yagnik laga bhi first Padma award ase.
Padma Awards May 25 te different fields laga 131 individuals ke dise. List te 5 Padma Vibhushan, 13 Padma Bhushan aru 113 Padma Shri awards include hoise.
