Dimapur, 13 June: Hindi scholar aro litterateur, Padma Shree Piyong Temjen Jamir toh tai laga khor Dimapur te lamba samai para bemari thaka bechite Saturday, June 12, 2021 te morishe. Tai laga omar 87 thakise.
1934 sal te Longsa bosti, Mokokchung district, Nagaland te jonom powa Lt. M. Piyong Temjen Jamir ke toh tai laga interests Hindi language nemite jani. Tai Hindi languages othabole dedication aro social service nemite besi awards logote recognise howa thakise.
Jamir toh Nagas majote first Graduate aro .Ed. Degree holder ase Hindi te. Tai be Nagaland te ekta Hindi language laga crusader thakise. Jamir ke Padma Shree honour toh President of India, Ram Nath Kovid para sal 2018 te deya thakise kelay koile promotion of Hindi language aro social work nemite.
Tai Hindi Teacher hisab te kaam toh 1970 sal Tuensang district GHS Chisor te suru kora thakise aro etu bechite joldi CHTTI (Central Hindi Teachers Training Institute) Dimapur te Instructor hisab te promote howa thakise 1976 te. Tati tai 1982 tak kaam kori thakise.
Etu bechite Jamir para Dimapur te Rashtra Bhasha Hindi Training Institute toh aro bonasihe aro etu te classes Prathmik to Ratna thakise. Nagaland te pura Hindi phelabole monn hoi kena, Jamir para Nagaland laga alak alak district te Hindi Training Institutes laga branches bonaishe aro etu te besi phak etiya registered hoise aro independently joli ase.
Jamir toh Vidya Bharati Jan Jaati Shiksha Samiti, of North Eastern India laga founder President aro Chairman of Nagri Lipi Parishad Nagaland thakise. Tai toh 2003 sal Surinam (South America) te 7th World Hindi Conference lowa te World Hindi Conference te attend kora first thakise North East region para.
Tai be 2012 sal Johannesburg, South Africa te, 9th World Hindi conference te attend kora thakise. Tati tai ke felicitate kora thakise kelay koile Hindi laga field te tai laga motob nemite. Tai toh North East India under the Ministry of Human Resource Development, Government of India Hindi laga development nemite Advisory Board laga ekta member thakise 2012-2015 tak samai nemite.
Jamir ke be poila laga Chief Minister of Madya Pradesh Shri Babulal Gaur para ‘Bhaurao Devras Seva Samman Award’ award toh March 29, 2005 te paise. Tai ke poila laga Governor of Nagaland, Shri Shyamal Dutta para ‘Vir Jadonang Award’ toh August 29, 2005 te powa thakise.
Tai be District Teachers award laga awardee thakise September 5, 2006 te Dimapur, Nagaland te aro CSOM (Children Special Oriented Ministry) para June 28, 2006 te facilitate kora thakise. Eki salt e Jamir ke be poila laga President of India, Dr. A. P. J. Abdual Kalam para New Delhi te ‘Gangashanan Singh Awards’ powa thakise.
Jamir ke be Benoba Nagri lipi award’, Jewel of North East Award’ aro Padma Shri award powa thakise. Padma Shri award toh India laga President Shri Ram Nath Govind para March 20, 2018 te award kora thakise.
Padma Shree Piyong Temjen Jamir para be tuita Hindi books toh ‘Hamari Hindi’ -I & II in Hindi-Ao-English te published kora thakise.
Add Comment