June 03, 2025, 04:10 PM: Ekta grand felicitation programme kurishey, L. Hangthing ke honour kuriboley, itu Padma Shri Award 2025 laga recipient itu Agriculture laga field tey, kun toh hoiley Nagaland laga ‘Fruit Man’ koi kena jani pai thakey, itu event toh hoiley 2nd June, 2025 tey loa laga thakishey, Noklak bosti laga White Hall tey para.
Tai laga address tey, Padma Shri awardee, L. Hangthing para tai laga deep gratitude express kurishey, itu organizer khan aru itu community ke. Tai para tai laga chutu para shuru kuria laga yaad kurishey, biya hoi jaw aguti khan mati khan tey dhali kena aru tai challenges khan face kuria laga eneka homoi tey. Tai para itu award toh hoiley Nagaland laga farmer khan kiman asey tai khan ke aru Khiamniungan tribe khan ke dedicate kurishey, koi kena ki, “Ekta shutu appreciation toh hoiley kunba manu laga backbone hoboley paribo, kun khan tai khan laga best kuriboley kushish kurey”. Tai para itu bhi note kurishey ki, itu agriculture toh hoiley hudai forefather khan laga practice toh kuri kena ahi asey, poila homoi para aru itu toh hoiley uplift kurishey, itu Government department khan laga support logotey.
Khiamniungan Tribal Council (KTC) laga President – Ngon para koishey, itu toh hoiley ekta historic homoi asey, kiley koiley itu toh hoiley poila bar asey, ki, itu Khiamniungan tribe laga member toh ekta nishina prestigious civilian honour pawa toh. Tai para akha thaka laga express kurishey, itu para toh hoiley aru bhi bishi wala achievement khan laga raasta khulabo koi kena, aha din khan tey.
Add Comment