Padma Shri Dr Ashok Panagariya morishe

Jaipur : Neurologist aro Padma Shri powa manuh, Dr Ashok Panagariya, Friday din Jaipur te Covid-19 bemar para morishe, tai laga umer 71 thakishe. Dr Panagariya toh besi din para private hospital te ventilator motob te admitted hoikena thakishe. Tai laga halat toh tui(2) din neshina besi beya hoishe aro Friday din te morishe, koikena hospital para khobor toh janaishe. Dr Panagariya mora khobor toh honikena Prime Minister Narendra Modi para koishe ke, tai toh medical field te besi bhal kam korikena aha manuh ase aro tai nemite doctors aro researchers khan besi bhal kam janikena ase. “Dr Ashok Panagariya toh besi tangor aro bhal neurologist thakishe. Tai laga bhal kam nemite doctors aro researchers bhal olaikena ase, tai mora toh besi mon duhk ase aro ghor manuh aro sathi khan logot mon duhk kotha toh janai ase,” koikena Prime minister Modi para koishe. Etu samai, Rajasthan Chief Minister Ashok Gehlot para be koishe ke, national renowned neurologist mora toh ghor manuh aro nejor nemite besi tangor nokson ase. Tai aro koishe ke, Dr Panagariya para besi tangor posts thurikena thakishe aro tai laga kam para state te medical expert neshina coronavirus bemari samai besi tangor kam kori thaka ase koishe. Energy Minister BD Kalla, BJP state president Satish Poonia, former chief minister Vasundhara Raje aro dosura leaders khan para be tai mora oper te mon dukh howa janaishe.