April 22 tarik Pahalgam, Jammu aru Kashmir te hua terrorist attack pura desh ke hila disey. Itu jagah toh usually peaceful aru tourist favorite jagah thaki ase, tai etu attack unexpected thaki disey. 26 jon innocent tourist jibon hari jabo aru dangor number injury paabo, itu sob dekhai dise ki India laga counterterrorism te abhi bhi dangor gap ase.
Past few saal te Jammu aru Kashmir te situation improve hoise buli kowa jaito, kintu etu nishina incident proof dise ki militancy pura khotom nohoi. Attack etiya soft target — jiman tourist area, symbolic aru emotional value thaka jagah — te koribo laga trend hoise. Itu para normal life disturb kora, fear spread kora aru media te headlines loibole try kora hoise.
Etu incident question uthai dise — intelligence gathering aru local surveillance te ki fault thakise? Ki karone timely warning nai paise? Attack prevent nohoi paye, coordination te bhi problem thakise niki?
India laga counterterrorism strategy usually military operation upor depend kori ase, aru result bhi thakise. Kintu aji ka din te, khali tactical operation na, long-term solution bhi important ase. Human intelligence strong koribo lage, local public logot trust build koribo lage, aru digital surveillance upgrade koribo dorkar ase.
Political leaders khan sirf speech di condemn kori thaka te rukibo nai lage. Public expect korise visible, strong action — juntu citizens ke assure koribo aru militants ke clear message dibo. Intelligence system reform, agencies majot better coordination, aru socio-political situation ke buji handle koribo bhi equally important ase.
Pahalgam attack khali ekta incident nohoi — itu India laga preparedness aru thinking ability upor ekta dangor test ase. Aji laga din pora, sirf react koribo na, anticipate aru prevent koribo nimite naya strategy develop koribo lage.
Add Comment