DIMAPUR, SEPTEMBER 17 : Nagaland Minister for Transport aro Civil Aviation & Railways & Land Resources, P. Paiwang Konyak pora 17th September 2018 te NST Dimapur Station te City Pink Buses kan maiki kan nemite aro City Buses kan sob manu kan nemite kholidese.
Etu khola din te Media manu kan ke kotha janaide kena etu Minister Paiwang pora etu Pink City Buses maiki kan nemite ula toh sob bhal nemite aro ahkete luijabole karne aro maiki kan ke ekta hisab dekhaidebole karne ase. Aro etu oporte rasta te traffic besi thaka kom kuridebole karne hi ase koi kena janaide thakise. Tai bi etu Department kan bi Sorkar kan ke etu Pink City Bus kari nemite maiki kari jula (driver) aro conductors kan anedebole karne kotha janaidebole kuri ase. Etubi chuti maiki kan kari julabole monjaa kan thakile koi kena janaide thakise koise.
Tai bi etu NST Department toh ekta Social Service Department ase koi kena janaise. Etu karne tai sob Public, NGOs, Law Enforcing Authorities, District Administration aro tusera kan sob ke etu Pink City Buses aro Pink Buses ke mon mela-mele (cooperation) thakibole kuribi. Kele etu porahi etu Buses kan pora ami kan manu ke motub kura toh ahkete bhal te lamba pora jabole bara huijabole karne koi kena janaide thakise.
Minister Paiwang porabi khobor te Senior Citizens kan ke toh etu Bus te berabole free pora poisa nade kena berabole debo koi kena janaide. Aro tai bi tai logot mokokchung aro Tuensang District kan pora etu nesena Bus anedebole kuribi koi kena janaide thakise koise (requested). Etu karne tai etu kotha nemite kotha kuribole kuribo koi kena janaise.Tai bi PDA Sorkar kan Chief Minister Neiphiu Rio bitor laga logot besi khushi baa janaidese. Kele etu nesena toh ami kan state te ahke wala aji-kali hi banabole kurikena kam julibole kuri ase koi kena.
Tai bi etu Buses kan toh ahkete 4 ta Pink Buses hi berabole aro kam julabole debo. Etubi Dimapur te 2 ta aro Kohima te 2 ta. Aro 5 ta City Buses kan berabole debo koi kena janaide. Aro chuti etu Buses kan bhal te julabole kura huise koile arobi tusera buses kan etu nesena ulabole kuribo koi kena janaide.
Etu din manai kena suru kura time te Secretary Transport Department, Kenilo Apon pora ahkete etu Pink Buses khola aro City Buses kan arobi berabole suru kura kan pora traffic besi jam kurikena thaka kom huijabo. Aro tai bi sob logot etu nesena traffic besi thaka kom kuribole karne eneka kam julai kena motub kuribole kuribi koi kena janaise. Etu din te prathana (dedicatory prayer) toh Rev. Tonlong Konyak, Pastor, Konyak Baptist Church Dimapur pora kuridese. Aro etu din te Naga Council Dimapur, NMA laga Representatives aro NST Department laga Officials kan ahe kena thakise koise.
Add Comment