Pak Ex ISI Chief Faiz Hameed ke Court Martial laga agey Army Custody dey luishey

Islamabad, 12 August : Ekta unprecedented move dey, Pakistan Army para Monday dey announce kurishey ki taikhan para former ISI chief Lt Gen (retd.) Faiz Hameed ke arrest kurishey aro tai laga khilaf court martial proceedings shuru kuriahey, ekta scheme scandal ke house kuria dey connection thakia karney. Lt Gen (retd.) Hameed ke bishi powerful consider kurishey kitia tai spy agency ke 2019 para 2021 tak head kurishey. Taike coveted post dey appoint kurishey kitia itu homoi laga ISI chief aro itia laga Army chief Lt Gen Asim Munir ke itu post para prematurely hatai dishey. Itu homoi report kurishey ki prime minister Imran Khan toh Munir logot khushi thakianai. Piche dey, army para Mr Hameed ke replace kuriboley faisla kurishey, ekta move kuntu Imran Khan para oppose kurishey. Top City case headlines dey ahishey kitia November 8, 2023 dey, Moeez Ahmed Khan, Top City laga malik, Supreme Court dey ekta petition file kurishey kutey tai para Mr Hameed ke tai laga authority misuse kuria aarop kurishey. Tai para itu petition dey kuishey ki May 12, 2017 dey, Gen Hameed laga behest dey, ISI officials para top city office aro tai laga ghor raid kurishey aro valuables seize kurishey, gold, diamonds aro puisa milaina. Tai allege kurishey ki ISI officials para tai logot para Rs 4 crore cash extort kurishey. Supreme Court lagathree-judge bench, kutey Pakistan Justice Qazi Faiz Isa laya Chief Justice, Justice Attar Minullah aro Justice Aminuddin milaina thakishey, itu case hunishey aro Ministry of Defence ke allegation probe kuriboley karney pathawoley faisla kurishey. Itu army para itu saal April dey announce kurishey ki taikhan para ekta high-level inquiry committee constitute kurishey kuntu ekta major general para head kuri asey.