Pakistan actress ke Sanam Teri Kasam sequel para hatai dise

New Delhi, 11 May 2025: Director duo Radhika Rao aru Vinay Sapru confirm kuri se ki Pakistani actress Mawra Hocane ke upcoming sequel ‘Sanam Teri Kasam’ para hatai dise. Etu decision India aru Pakistan majote recent lorai hoa karone lobo lagise. Statement te, filmmakers khan concern express kuri se Pakistan laga actors khan laga chup thaka opor, specially Pahalgam te terror attack hoa pichete. “Terrorism kun bhi type, kunbi nation, state, ekdom strongly condemn kuribo lage. Kintu etu case te hoile, dukho laga ase ki kunba actor jun India te kam kuri ase, bhal para, respect aru opportunity paise, kintu India opor aji laga attack ke condemn kuribo fail kuri se. Aru kunba toh India laga terrorism fight kuri laga legitimate steps ke criticize bhi kuri se. Etu karone amikhan, amikhan laga government logot thaki ase aru pura support kuri ase. Nation first aru hotai. Jai Hind,” koi se. Ageta, actor Harshvardhan Rane bhi announce kuri se ki tai sequel para hati jabo, jodi original cast, juntu te Mawra Hocane bhi ase, repeat kurile. Instagram Stories te ekta note share kuri kena, tai likhise, “Moi grateful ase etu experience karone, kintu etya situation te, aru moi country logot directly comment kura dekhi kena, moi respectfully decision loise ki moi part 2 te participate nakuribo, jodi previous cast ke repeat kuribole chance ase koile.”