Pakistan anti-coronavirus chief ke COVID-19 positive paishe

December 21, 2020. Pakistan planning minister aro desh laga anti-coronavirus body logot COVID-19 positive tested paishe koishe, etu oper te desh laga politicians besi khan logot be virus bemar toh thurikena ase. Planning development minister, Asad Umar para kohor toh janaishe. “ami logot covid test kora result toh positive paishe aro ami ghor te alag bohibo” koishe. Umer para  National Command aro Operation Center loikena jaikena desh te coronavirus bemari logot larai koriase koishe. Tai toh Pakistan te politicians khan pithor te notun virus positive test powa manuh ase. Etu oper te Sindh Governor Imran Ismail, Sindh Chief Minister Murad Ali Shah, National Assembly Speaker Asad Qaiser, Foreign Minister Shah Mahmood Qureshi, Pakistan Muslim League-Nawaz (PML-N) President Shahbaz Sharif aro Pakistan Peoples Party (PPP) Chairperson Bilawal Bhutto-Zardari, logot be coronavirus positive test paikena ase. Etu samai, Saturday din Pakistan te COVID-19 cases toh 3,179 notun khobor paishe, etu sob melaikena desh te bemari cases toh 454,673 hoikena ase aro 24 gonda samai te 87 manuh mora khobor ase, sob melaikena Pakistan te 9,250 manuh morikena ase aro komti hoilebi, 2,486 bemari manuh khan besi serious te ase koishe. Pakistan te coronavirus second wave toh jaiase, aro hafta pithor te hotai din laga manuh mora cases toh sobse besi hoikena ase. Summer samai virus cases toh eman thaka nai koishe. Etai dak Pakistan te COVID-19 para manuh mora rate toh 2.02 per cent aro duniyaa pura te saishe koile toh 2.22 per ase koishe.