Agencies, 20 April: Wednesday te PPP Chairman Bilawal Bhutto-Zardari toh London te ji thakise aro tai toh Pakistan te aji kali laga political situation opor te kotha koribole nemite PML-N supremo Nawaz Sharif ke lok koribole bhabona ase. Etu agae din te tai foreign minister hisab te waada lobole kora thakise. Etu para Prime Minister Shehbaz Sharif laga sob allies toh eki page dae nahowa dekhise.
Tuita main political parties Pakistan People’s Party (PPP) aro Pakistan Muslim League-Nawaz (PML-N) desh te military para rule nakora agae te power te thaka ase. Gara Army para desh te 75 saal thaka para adha opor rule kora thakise.
London nemite Bilawal chara te confirm kori kena, PPP Secretary-General Farhatullah Babar para Nawaz Sharif meeting laga ashol maqsat toh tai ke coalition government te congratulate koribole aro aji kali laga situation opor te kotha koribole nemite ase koise.
Nawaz Sharif ke toh former prime minister Imran Khan laga government para besi corruption cases suru kora thakise aro tai Sharif toh Lahore High Court para treatment nemite jar hapta permission te mana bechite November 2019 te London nemite chara thakise.
Sharif ke toh jar hapta pithor te law and justice laga process te lok koribole nahoile doctors para travel nemite tai healthy aro fit ase janai deya shaath shaath korai ahibole mana thakise. Tai ke be Al-Azizia Mills corruption case te bail deya thakise aro etu case te tai seven saal jail te thakibole thaki thakise.
Bilawal toh ekta guest hisab te Cabinet oath taking ceremony te attend thakilebe tai foreign minister hisab te waada nalowa thakise. etu mani coalition government te olop issue toh thakise aro tai first etu te thek koribole monn howa thakise.
Aji kali Prime Minister Shehbaz Sharif laga coalition government te PPP toh second sobse dangor party ase aro tai ke toh April 11 te appoint kora thakise. Cabinet formation toh days nemite deri howa thakise kelay koile coalition parties majote namela thaka nemite besi phak PPP pra Cabinet te melibole suru te namana nemite. Hoilebe Shehbaz Sharif para Bilawal laga party toh tai laga government logote melibole ensure korise.
Hoilebe Tuesday te Cabinet formation laga first phase te Bilawal absence nemite besi jun laga sukhu dangor howa thakise. PPP te sources para Bilawal, 33 toh etiya be Cabinet te melibole namani kena ase koise kelay koile election agae te tai laga political activities te dekthari thaka hobo pari. Hoilebe Shehbaz Sharif, 70 para tai toh melibo laki koise.
Khobor hisab te, Bilawal toh Nawaz Sharif logote major issues te kotha koribole monn ase tai khan laga phal solution nemite. Bilawal be Cabinet te Nawaz Sharif logote namela/non include Awami National Party (ANP), Balochistan National Party-Mengal (BNP-Mengal) and Moshin Dawar ke lobole monn ase.
Judi Nawaz Shaif logote kotha kora te thek hoise koile Bilawal toh London para korai ahha bechite foreign minister hisab te waada lobo pari bhabona ase.
Add Comment