Islamabad, Pakistan: December 5, 2020. Friday din Pakistan City Rawalpindi te bomb para hamla kora te komti hoilebi 1 jun manuh morishe aro 7 jun jokom paishe, koikena police para junai dishe. Rawalpindi toh Pakistan laga 4th tangor city ase, etu jaga te military khan besi dakra te raki-kena ase aro capital Islamabad logot join korikena ase. “1 jun morishe aro dosura 7 jun jokom paishe. Etu bomb toh samai hesab thakishe aro bus station osor te rakish”, koikena Rawalpindi laga police spokesman, Sajjad ul Hassan para khobor toh janai dishe. Etai dak kaun group khan para be nam lowa nai. Police laga spokesman para kowa toh investigators khan para jaga sob te khobor loiase aro kaun manuh para hamla korishe etu be pesari ase. Etu bomb blast howa toh 2015 saal bechete tuita(2) wala blast hoishe. Etu eke saal te army khan para militants logot larai korishe koishe. June moina te, etu neshina bomb hamla para tangor bazaar te 1 jun manuh morishe aro besi manuh jokom howa laga khobor ase.
Pakistan blast te 1 jun morishe:Police
Add Comment