Islamabad, 24 May : Pakistan Cricket Board (PCB) chairman Mohsin Naqvi para Friday dey T20 World Cup karney squad laga formal announcement rukhai dishey, Geo News sources para report kuria hisab dey. Naqvi para displeasure janai dishey ki selectors khan para USA aro West Indies dey marquee event karney khiladi laga discuss kuriboley ekta meeting luanai.
Sources laga hisab dey, itu Pakistan squad toh din khotom huwoley janai diwoley expect kuri asey. International Cricket Council (ICC) para itu 15-khiladi team submit kuriboley laga deadline toh May 25 tak rakhishey.
19 teams dey para, Pakistan laga team ekela asey kun para taikhan laga 15 khiladi squad announce kurianai. Itu bishi rukhi thakia tournament karney, Pakistan toh Group A dey USA, India, Canada aro Ireland logot asey.
Taikhan USA laga khilaf June 6 dey taikhan laga campaign shuru kuribo. Taikhan arch-rival India ke June 9 dey samna kuribo Nassau County International Cricket Stadium, New York dey.
Pakistan toh itia taikhan laga four-match T20I series England laga khilaf karney England tour kuri asey. Agey T20I toh Wednesday dey paarish karney khotom kurishey.
England series karney Pakistan squad : Babar Azam (C), Abrar Ahmed, Azam Khan, Fakhar Zaman, Haris Rauf, Hasan Ali, Iftikhar Ahmed, Imad Wasim, Mohammad Abbas Afridi, Mohammad Amir, Mohammad Rizwan, Muhammad Irfan Khan, Naseem Shah, Saim Ayub, Salman Ali Agha, Shadab Khan, Shaheen Shah Afridi, Usman Khan.
Add Comment