Pakistan cricketers Azhar Al nemide daiyar korise: Azhar Al

Karachi, 12 April: Pakistan’s centrally-contracted players toh ahibole moina coronavirus pandemic para health te dekthari de thaka toh ekana he thaki-thakise koile pay cuts kuribole bhabona kora toh pura daiyar te ase. Etu khobor toh Saturday din captain Azhar Ali para janaideya laga ase.

Media logode video interaction te Azhar koise, tai aro tai laga colleagues Covid19 para situation beya kora aro etu para duniya te sporting activities rokhaideya opor te hosiyar ase.

Azhar koise, “Etu toh kondu desh nemide hoilebe phal situation nahoi aro ami khan jani ase judi lockdown situation toh ahibole din nemide be ekana he thaki-thakise koile Board para old nohoile new central contacts te pay cuts nemide hotibole.

Judi pay katibole nemide enaka situation olaishe koile ami khan etu nemide bhabha kori kena ase aro ami khan Board logode boha thakibo aro thek fesla lowa thakibo.

Tai aro koise, cricket playing nations aro players toh khor te moina nemide bohoibole napari aro cricket toh naloi.

Tai aro koise, “Hoi konbah stage te judi situation toh enaka he thaki thakise koile khali stadium te khelibole laga option toh kotha kuribole paribo hoilebe authorities para sob stakeholders nemide thek health aro preventive measures loile hobo.

Tai koise, “Fans toh TV te eku action nasha loise aro judi cricket toh closed doors te khulishe loile olob cricket sabole nemide opai powa toh thakibo hoilebe public laga health opor te compromise toh kuribole naparibo”.

PCB para sob centrally-contracted players ke toh monthly salaries debo koikena ase hoilebe domestic cricket contracts ‘ke toh June tak nemide debo koise. 

Hoilebe board para June bechide ke toh hobole ase kobo napari koise.

Jowah sal PCB para players laga list 33 thaka para 19 kora bechide alak alak categories te central contracts deya thakise. Etu toh 1^st August toh 30^th June 2020 tak joli jabole nemide deya thakise.

Category A te Babar Azam, Sarfaraz Ahmed, aro Yasir Shah ase aro Azhar be melikena eight crickers toh category B te ase.

Category C te be eight players ase aro etu te Hasan Ali aro Mohammad Amir be melikena ase. Centrally contracted players ke monthly salaries toh 300,000 to 12 lakhs laga range te pai.

Azhar para be head coach and chief selector, Misbah-ul-Haq ke koi kena ase ICC para April te World Test Championship toh extent kuribole nemide.