Peshawar, November 8, 2023: Heavily armed militants kan para Pakistan laka restive Khyber Pakhtunkhwa province deh taka oil aro gas company deh hamla kuri shae. Police laka isap deh etu hamla deh tuita policeman muri shae aro alak teentha manu jokom kai shae. Etu incident tho Tuesday rati, Dera Ismlail Khan district laka Alhaj Oil and Gas Company deh hui shae.
Goli kan mara piche deh tuita policeman muri jai shae aro teentha jokom kai shae. Police contigents kan jaka deh punchi jai shae aro hamla kura manu kan keh duri bole ekta combine operation launch kuri shae. Jokom kah manu keh district laka Combined Military Hospital deh lui jai shae.
August 2021 deh Taliban kan Afghanistan deh power pah piche deh violence kan bishi uthi ase Pakistan deh. Pakistan Institute of Conflict and Security Studies (Piccss) laka report isap deh Pakistan deh 99 hamla hui shae August laka mohina deh. Etu number tho sobse highest ase 9 years pitor deh.
Add Comment