Pakistan dey Terror attack dey three security personnel ke muraishey

Pakistan, 19 August : Kom se kom three security personnel Monday dey murishey, Afghanistan para militants para ekta border security post ke hamla kuria piche dey, Pakistan laga volatile Khyber Pakhtunkhwa province dey. Militants para ekta Pakistani border security post ke Bajaur district laga Wara Mamund area dey hamla kurishey, Monday laga early hourse dey, kuntu Pak-Afghan border laga Khyber Pakhtunkhwa (KPK) province dey located asey. Itu piche dey gunfight dey three security personnel laga maut huishey, kitia itu ghatna Gardo sector dey huishey, sources hisab dey. Militants para Sunday dey Khyber Pakhtunkhwa (KPK) province laga militancy-prone southern Lakki Marwat district dey Bargai police station dey haamla kurishey. Itu para policeman laga maut huishey, kitia Station House Officer (SHO), kun itu clash homoi multiple bullet wounds logot jokhum huishey, piche dey hospital dey murishey. Alag ghatna dey, militants para Frontier Constabulary laga gaari ke Dera Ismail Khan district, Khyber Pakhtunkhwa province laga Maddi area dey haamla kurishey. itu haamla karoney kom se kom security personnel murishey aro alag three jun jokhum huishey.