Islamabad, March 29: Pakistan laga government para koisey ki taikhan para Afghanistan laga manu khan ke taikhan laga jaga te nijor para wapas jabole March 31 taak laga homoi diya tu khotom hoija picheyte kunba Afghanistan manu khan ke taikhan laga nijor jaga te pathaidibole aro Pakistan para olaidibole laga arrangement kora tu complete hoisey.
Friday te ekta high-level meeting hisey Afghan Citizen Card (ACC) bukhikina thaka manu khan ke March 31 laga deadline picheyte taikhan laga nijor jag ate wapas pathaidibole.
Etu meeting ke Minister Mohsin Naqvi para lead kurisey.
Pakistan government para Jnauary te ACC holders kahn ke March moina laga last faley Pkaistan para olaijabole koisiley nohoile taikhan ke joborjosti olaidibo.
Afghanistan laga government aro right bodies khan para request kora laga bawajut Pakistani authorities khan para etu deadline tu extend kuribole nohoilebi baraidibole mananai.
Friday laga meeting te official khan para inform kurisey ki ACC hlder khan ke Afghanistan te wapas pathaidibole laga sob arrangement complete hoijaisey.
Etu official khan para koisey ki Afghanistan laga manu khan ke nijor jaga te pathaidibole ageyte taikhan ke rakhibole nimitey holding centre khan banaikina asey. Etu centre khan te kha-luwa saman aro ilaj kora laga facility khan arrange kruikina asey.
Etu meeting te decide kurisey ki Afghanistan manu khan ke nijor laga desh te pathaidiya laga kaam chulithaka homoitey Minister of State for interior Talal Chaudhry para taikhan ke kuntu jag ate pathabole asey etu jaga ke visit kuribo, eku bi problem thakisey koiley thik kuribole nimitey.
Naqvi para Pakistani authorities khan ke etu laga kaam chulithaka homoitey Afghanistan manu khan ke izzat para treat kuribole koisey.
Add Comment