April 27, 2024: Pakistan laka jailed former prime minister Imran Khan para manu kan kun country keh “enslave” kuri shae, taikan lokot deh agreement nakuri bo kui shae. Imran para tai prison deh noh sal karne buhi bole ready ase kui shae hoile b taikan lokot deh ekta deal b naba nabo kui shae.
Ekta message kuto Pakistan Tehreek-e-Insaf(PTI) party laka 28th Foundation Day karne ase, tateh Khan para, country deh sobse bida dictatorship impose hui shae kui shae. Kuto economy, government rule, democracy aro judiciary laka destruction karne basis hui ase.
Tai para sob manu kan keh taikan laka role play kuri b kui shae, country giri jah tho ruka bole. “Etu tho muila message ase nation karne. Mui husa laka freedom karne scarifies kuri bo. Hoile b muila nahoi leh muila nation laka freedom karne kitia b compromise nakuri bo.”
Khan para tai keh bars laka piche deh noh mohina karne rakhi nah ase kui shae “fake aro concrocted case” karne. “Non sal nahoile etu laka upro deh b jail deh buhi bole ready ase, hoile b mui taikan lokot deh ekta deal kitia b strike nakuri bo, taikan kun para muila nation keh enslave kuri di shae.”
Add Comment