Karnal, 13 October: Sunday din Defence Minister Rajnath Singh para Pakistan Prime Minister Imran Khan ke olob samjaideya laga kowah toh, “Judi neighbouring desh Pakistan toh nejor laga mathi deh terror thaga hatai debole mon ase koile India toh motob debole daiyar ase”. Tai koise, judi tai khan lakishe koile India para Pakistan deh armed forces pothabo.
Defence Minister para be Imran Khan ke kelaaf kora thakise kelay koile tai Kashmir issue deh khara thaga nemide.
Tai koise, “Ami toh Imran Khan para speech deya deh honi thakise. Tai para Kashmir toh freedom napowah tak ami khan etu deh fight kori thakibo koise”. Tai koise, tai laga desh toh international forums tak Kashmir issue toh loijabo. Kashmir opor deh powribe aro etu opor deh bhabona tak be nakoribe. Chamela othaideya para eku nahobo. Kon para be ami khan ke pressure debole naparibo”.
Pakistan deh tai laga spai train kori thakibole opor deh Rajnath koise, “Apuni para 1947 sal India toh tui pieces, two-nation theory laga part nemide bonaise. Hoilebe 1971 deh apuni laga desh toh arobe tuita pieces nemide phak howah thakise. Aro judi halat toh thaki thakishe koile kondu power para hoilebe Pakistan toh bhankibo nemide rokhabole naparibo”.
Defence Minister koise, Pakistan laga galdi halkat ke desh toh phal para jawab debole dagot ase.
Add Comment