July 19, 2020. Friday din Pakistan Foreign Minister Shah Mehmood Qureshi para koishe ke, tai tuh COVID-19 bemari para bhal hoiase aro office kam kuriase, tai logot etu virus laga bemar thurikena tui(2) hafta hoiase koishe. “manuh sob logot bhal wishes aro support nemite dunyabad thiase, ami aji (Friday) office te wabas ahiboli parai tuh kushi ase” tai koishe.
Qureshi koishe, Pakistan laga healthcare system para bemari logot larai kuriboli parai tuh khushi paa janai thishe. “ami Pakistan laga healthcare aro frontline workers khan para bemari logot mon thikena larai kora nemite dunyabad thiase, ami tumi khan logot salute thiase”, minister para koishe. July 3 darik te Qureshi para janaishe ke, tai ke coronavirus positive test paishe. Etu bechete tai ke Rawalpindi Military Hospital te shifted kurishe. Olop din thaka beche, immunization elach kuri thakina tai discharged hoishe. Pakistan te coronavirus cases tuh 259,999 ase, 24 gonda pithor te 2,085 manuh logot COVID-19 positive test paishe, koikena health ministry para janai thishe. Ministry of National Health Services hesab para 24 gonda pithor te 49 bemari manuh morishe, etu melaikena Pakistan te 5,475 manuh khan morikena ase.
Add Comment