March 20, 2024: South-western Pakistan deh taka ekta coal mine deh bomb puta tho 12 miners muri jai shae aro atha miners kan keh bajai di shae, officials para Wednesday din deh kui shae. “Rescue operation tho itia kotom hui jai shae,” Balochistan laka chief inspector of mines, Abdul Ghani Baloch para kui shae Wednesday din deh. Tai para mine laka pitor deh ekta methane gas explosion hua time deh 20 miners kan pitor deh taki shae kui shae.
Tai para rescue teams kan para 12 bodies keh recover kuri shae kui shae aro baja manu kan keh tho hospital deh lui jai shae kui shae Pakistan laka western jaka deh coal deposits kan pai. Etu jaka tho Afghan border laka osor deh ase aro tateh mine accidents kan hui takeh. Bishi wak etu accidents kan tho gas uthi jah karne ase.
Mine deh kama kura manu kan safety gear nataka karne aro poor working conditions karne complain kuri takeh. Taikan para etu kan karne accidents hui takeh kui shae. Lobour union officials kan para etu kan kui shae puila deh b.
Add Comment