Pakistan laka Sargodha deh taka Christians kan keh hamla kuri shae ‘blasphemy’ karne

May 26, 2024: Saturday din deh ekta Muslim crowd para Christian settlement keh hamla kuri shae, blasphemy accusation karne. Etu incident deh Christian minority community laka kom seh kom tosjun keh bajai di shae, police aro ekta community leader para kui shae. Crowd, kuto para Chirstian group keh blasphemy karne accuse kuri shae, taikan para police kwh pator aro itha kan pilai shae, Shariq Kamal, Sargodha district laka police chief para kui shae. Neighbors kan para minority community member kan, Muslim holy book, Koran keh desecrate kuri shae kui shae aro etu huni nah protestors kan jama hui jai shae. Jama kura tho, taikan ekta ghor aro ekta chutu shoe factory keh chulai di shae, ekta police spokesman aro ekta Christian leader, Akmal Bhatti laka isap deh. “Taikan para ekta ghor keh chulai di shae aro Christians kan keh bishi bia para mari shae,” Bhatti para kui shae. Police official Assad Malhi para 25 nishi nah protestors kan keh arrest kuri di shae kui shae. Tai para 11 police officers kan jokom kai shae kui shae, Christian community members keh rescue kuri bole operation deh. Tuita side laka leaders kan para peace karne mata piche deh situation tho evening phale bhal hui jai shae.