Pakistan laka sobse dangor province deh militant hamla hua tho 33 manu keh murai di shae

August 27, 2024: Separatist militants kan para Pakistan laka Balochistan province deh police stations, railway lines aro highway deh taka gari kan keh hamla kuri shae, officials para Monday din deh kui shae. Militants kan bishi deri karne ethnic insurgency kili nah ahi ase, resource-rich southwestern province laka secession demand kuri bo karne. Etu jaka tho major China-led projects kan hui ase. Authorities para sobse damgor hamla tho gari kan keh target kuri shae kui shae, ekta major highway deh. Etu hamla deh kom seh kom 23 manu keh murai di shae aro tosta gari keh tho chulai di shae, officials para kui shae. Ekta rail line, kuto Pakistan aro Iran majo deh ase aro ekta railway bridge, kuto Quetta keh link kureh, etu b militant laka hamla pitor deh ahi shae, railways official Muhammad Kashif para kuri shae. Etu eki time deh, militants kan para police aro security stations kan keh b target kuri shae, sprawling province deh, officials para kui shae. Militant group, Balochistan Liberation Army para ekta statement deh hamla karne responsibility lui shae. Hoile b Pakistani authorities kan itia b etu keh confirm kuri bole baji nah ase. BLA para taikan laka fighters kan military personnel keh target kuri shae kui shae, kun kan civilian clothes deh travel kuri taki shae. Taikan keh identify kuri nah goli mari di shae. Pakistan interior ministry para hoile b mura manu tho innocent manu ka taki shae kui shae.