Washington, 21 November: Pentagon pora janaideya toh, President Donald Trump’s pora order kora bechide, US pora Pakistan logode USD 1.66 billion motob koribole thaga cancel hoise. Experts khan etu toh American khan gara pora namana signal ase koikena biswas kori ase. Pentagon pora etu khobor janaideya toh, Pakistan pora US logode eku motob koranai aro Al Qaeda chief Osama bin Laden logode lokai kena motob kori thakise, koikena Trump pora janaideya bechide thakise. Department of Defence laga spokesman Col. Rob Manning pora Tuesday din reporter logode e-mail pora jawab deya toh, Pakistan logode USD 1.66 billion security motob debo thaga cancel hoise. Sedney pora question deh jawab deya toh, Pakistan’s leader khan mela-meli thakibo karni wada toh korise. Hoilebe tai khan wada kora nesana toh howah nai. Etu pora President Trump achi hoikena Pakistan logode motob nakoribole khobor toh janaideya ase. September time deh. Trump administration pora Islamabad lofode USD 300 million military motob debo thaga cancel kora thakise. Etu cancel kora toh terror groups Haqqani Network aro Taliban nesana khan ke kelaaf korikena eku nakora pora ase.
Add Comment