Pakistan pora Ghauri ballistic missile test korise

Islamabad, 09 October: Monday deh Pakistan pora Ghauri ballistic missile phal pora test korise. Etu missile pora conventional aro nuclear warheads be 1,300 kilometres tak bukhibo paribo. Etu missile toh Army Strategic Forces Command pora ola thakise ase. Army Strategic Forces Command chief Lt Gen Muhammad Hilal Hussain toh Army Strategic Forces laga training aro operation de kushi paise.  Etu ola deh Strategic Plans Division laga dangor officials aro scientists be thakise. Missile test kora de ektum phal pora para karni President Dr Arif Alvi aro Prime Minister Imran Khan pora scientists aro engineers logode kushi paise. April deh Pakistan pora be Babur cruise missile test kora thakise. Etu missile toh 700 kilometres tak jabole para laga thakise aro conventional aro non-conventional bokhibole para laga thakise. Babur Weapon System-1 (B)’ toh low-flying, terrain-hugging missile ase. Etu pora stealth features aro alag-alag hatyar bokhibole para laga ase. Army pora janaideya hesab deh, etu missile pora math aro sea debe ektum kathara pora hamla koribole paribo.