JAMMU, NOVEMBER 10 : Saturday din Pakistan Sepai kan pora Line of Control (LOC), Rajouri District, Jammu aro Kashmir te puntuk mara time te Indian Army Sepai 1 jun ke muraidese koi kena, Defence nemite kotha kura manu pora janaise. Etu puntuk mari kena hamla kura toh Sniper pora 2 bar wala hui ase koise. Etubi etu LoC te hi. Kele etu nesena Friday din te bi Jammu jaka laga Akhnoor Sector te bi 1 jun Indian Army sepia muraidiya laga ase koi kena.
Etu Defence nemite kotha kura manu pora janaidiya hisabte Saturday te 9:45 am paji phale Pakistan Sepai kan Ceasefire manikena thaka ke namani kena puntuk marise. Etu time te Indian Army Sepai 1 jun muraidese koi kena janaise. Khobor pora janaidiya hisabte Indian Army Sepai kan bi etu hamla kura pora Pakistan sepai kan ke puntuk mari khoraidese koise.
Khobor hisabte bi Pakistan desh kan Ceasefire namani kena thaka toh etu jaijua 8 sal toh sobse besi wala ase. Aro etu sal laga ahke 7 moina majutte eneka Ceasefire namani kena hamla kura ke 52 jun Indian Sepai muraide kena ase aro 232 jun manu jukum kuride kena ase koise. Etubi 1,435 bar ceasefire namani kena etu state jaka laga Border te hamla kura time te.
Add Comment