LAHORE: Pakistan’s Punjab province laga police para Saturday din te koikena janaidishe ki tai khan para 20 jun manu ke thurishe aro 120 nishena manu ke booked kurishe etu bi tai khan para hindu temple te hamlaa kura nimete desh laga remote town te.
Police paras etu kura toh desh laga supreme court para Friday din te authorities khan ke rukhaidishe etu bi etu hamlaa te rukhabole naparah nimete aro culprits khan ke thuribole nimete hokum dishe.aro koikena janaishe etu hadsaa toh desh laga naam biya kurishe.
Ek sau manu khan nishena khuri pathor aro pathor khan thurikena temple te hamlaa kurishe aro etu laga kunba part te jui lagaishe aro idols khan biya kurishe Bhong area rahimyar Khan district province te etu ola laga protest te court para aath umar hindu mota bacha kun ke olaishe local seminary te pisaab kura nimte.
District Police Officer (DPO) of Rahim Yar Khan Asad Sarfraz para reporters khan ke koikena janaishe”ami khan para etia tak komti hoilebi 20 suspects ke thurishe etu bhong laga temple te hamlaa kura nimete”
Tai para aro koikena janaishe komti hoilebi aro bi manu khan ke thuribole bhabona kuri ase ahibole laga din te etu te police khan para suspects khan ke chini ase video footage te.
Terrorism aro dusra section Pakistan Penal Code bithor te fir kurishe etu komti hoilebi 150 jun manu khan uporte etu temple te hamlaa kura nimete.
Ami khan sob suspect ke thuribo etu crime te thaka khan te,apex court para hokum dikena restoration kaam temple te shuru kurishe.
Friday din te Chief Justice of Pakistan Gulzar Ahmed paras koikena janaishe etu biya huwa toh temple te desh ke sorom anishe etu te police khan chup chap sai thakishe.
Chief Justice para etu thura te bhabona kurishe etu aath sal mota bacha ke aro hudishe judi police kmhan etu bacha khan laga deemak bujibole paranai.
Pakistan parliament para Friday te etu temple te hamlaa kura te ghussa uthise etu bi ekta resolution olaishe.etu case hearing toh august 13 tak laga darek dikena ase.
India khan Thursday din te Pakistani charge d’affaires in New Delhi te matishe aro ekta protest kurishe etu para mondukh khan janaishe etu chamela te aro minority communities aro Pakistan te thaka tai khan prathana kura jaka te hamlaa kura te ghussa thakishe.
Hindus khan Pakistan laga sobse dangor minority community para official estimates hisaab te 75 lakh Hindus khan Pakistan te bui ase.hoilebi community kuwa hisaab 90 lakhs hindus khan desh te ase.
Pakistan Hindu population te bishi wala toh sindh province para ase etu te culture, traditions aro language khan share kurishe muslims residents logote.tai khan extremist para harass kura te complain kuri thakeh.
Add Comment