Sindh [Pakistan] October 1, 2020. Hindu maiki ek jun, 17 umer, ek saal agae te rape hoikena thaka, Pakistan laga Tharparkar district te suicide korikena morishe. Tai ke raped kora manuh para toh blackmailed be korishe, aro etu manuh toh bail para olaishe. Wednesday pujur te etu maiki para well te jump korikena nejor jaan loishe. Etu chaka toh Dalan-Jo-Tarr village, Chelhar town osor te thakishe, koikena Dawn para khobor thishe. “etu maiki ke 2019 saal july moina te tin(3) jun manuh para rape korishe, aro tai khan etai bail para bahar te olaishe”, koikena maiki laga papa aro dosura ghor manuh khan para Mithi te reporters khan logot khobor thishe.
Manuh khan para koishe ke, chokri para suicide kora toh, tai ke raped kora manuh khan para blackmailed aro harassed nemite. Etu manuh khan para rape ekla kora nahoina, chokri ke ghor te loi jaikena tai ke dhuk deya laga be filmed korishe. Tharparkar laga senior superintendent of police (SSP) Abdullah Ahmedyar, para koishe ke, medical report para confirmed korishe ke chokri toh besi beya para sexually assaulted kori koishe. Manuh khan besi chaka alag-alag para aro etu oper te rights activists Samtra Manjani, Bheem Ra aro dosura khan para etu kam kora nemite kelaaf korishe aro etu manuh khan ke sobse tangor sajaa thiboli koishe. Meghwar community laga manuh khan aro kam kori manuh alag parties khan para Thar aro dosura chaka te thaka manuh para maiki manu hoper te kam beya kora nemite protest thakibo koishe. Etu case toh aro ekta example ase ke, Pakistan te minorities khan ke besi beya para mani aro hesab nakori koishe.
Add Comment