October 18, 2020. Pakistan Sindh province te, factory ekta te pithor laga tank saba kora samay poisonous gas lowa nemite 6 jun kam kora manuh morishe, koikena officials para janai thishe.
Etu khobor toh, Friday din provincial capital Karachi laga Industrial chaka te howa ase koishe. Chipa welfare trust laga officials khan para kam kora manuh khan ke pithor tank para toh olaishe, aro koishe ke, hospital pongcha samay manuh khan toh morishe. “ek jun manuh neji te jaikena pithor tank toh saba kora samay toxic chemicals thakishe. Tai gas toh lowa nemite halat beya hoishe. Etu beche, tai ke pachaboli aro dorusa 5 jun neji jaa toh, tai khan be bemar hoishe, koikena tai para koishe. Pakistan laga sobse tangor city aro financial hub te Industrial incidents toh hoi thaki, keli koile besi factories aro industries khan para hosari neum nathakina kam kori thaki koishe. 2012 saal, Karachi, Baldia town te kapra laga factory ekta te jui olaikena 280 kam kora manuh khan mora khobor thakishe.
Add Comment