Pakistan te TikTok ban hataishe

October 20, 2020. Monday din te, Pakistan laga telecom para Chinese video-sharing app TikTok bondh korikena thaka toh hatabo koishe. Company para authorities logot koishe ke, kaun accounts para “khobor beya” pheli ase etu khan bondh koribo. Twitter te kotha kora samay, Pakistan Telecommunication Authority (PTA) para koishe, (TikTok) management para kaun accounts para khobor beya pheli ase etu khan accounts sob block korikena ban toh hataboli koishe. “TikTok toh local law hesab te chola”, koikena kotha te fesla loishe. Pakistan Telecommunication Authority (PTA) logot ‘kam beya’ kora nemite complaints besi aha nemite October 9 daril te app toh banned korishe. Olop din agae te, PTA koishe ke, tai khan para video-sharing app logot besi paar koikena “obscene aro immoral” thaka toh block koranai. Etu restriction thaka hatai deya toh Saturday din TikTok para Pakistan te serive toh bhal thiboli kowa beche te ase. “jodi Pakistan government para ahiboli din nemite aro koliboli fesla loile te toh, ami khan para market te kam toh boil neshina nahoikena bhal wala kam koribo,” koikena statement te janaishe. TikTok app toh besi popular ase ke, Pakistan te 43 million manuh para jolai ase aro 2020 saal ekla te 14.7 million manuh logot ase. Popular app te toh manuh para  short music, lip-sync, dance, comedy aro talent videos khan bonaboli pareh koishe. TikTok laga malik toh China’s ByteDance ase aro etu Duniyaa pura te jolaiase. Etu app toh Indian aro United States government para security nemite banned korikena ase.