October 22, 2020. Pakistan laga top body, kaun para coronavirus bemari sai ase, Wednesday din te warned korikena tangor hoshari kam koribo ari etu oper te judi manuh khan para government neum toh mana nai koile aro lockdown thakiboli janai thishe. Desh te jaa hafta dak te COVID-19 para manuh mora rate toh 140 per cent te uthishe koishe. “National Command aro Operations Centre (NCOC) para situation toh bhal para sai ase aro judi SOPs te bhal khobor nohoile, NCOC khan opai nathakile boila neshina kam bondh kori,” koikena Wednesday din body para statement te janai thishe. Umar para koishe ke, Pakistan te COVID-19 para manuh mora rate toh 140 per cent hoishe kowa beche NCOC para statement toh thishe. Aro public khan logot warned korishe ke safety protocols toh thamali te naloboli koishe. “jaa hafta hotai laga COVID para manuh mora rate toh 12 thakishe. Etai 140 per cent te uthishe. Ami khan manuh sob melaikena kolti kam kora te SoPs neum nemana nemite aro etai result toh thiki ase. Tuesday din tai aro koishe ke, “ami khan etai rasta botli nakorile, jevan aro kamai thaka rasta te jai jabo”. Ministry of National Health Services para koishe ke, desh te sob melaikena COVID-19 cases toh 324,744 te uthikena ase aro 24 gonda pithor te 660 notun bemari cases paishe. Etai dak te 308,674 manuh khan bemar bhal hoikena ase aro 559 besi serious te ase koikena ministry para janai thishe. Sindh te 142,348 beamri cases hoikena ase, Punjab te 101,936 cases, Khyber-Pakhtunkhwa 38,779, Islamabad 18,309, Balochistan 15,717, Gilgit-Baltistan 4,091 aro Pakistan-occupied Kashmir 3,564 cases hoikena ase koishe. Jaa 24 gonda pithor te authorities para 26,670 tests loishe. Desh te sob melaikena 4,148,739 test loikena ase.
Add Comment