Pakistan toh Iran-Saudi rishta bhal kuribole echa ase

Agencies: Fawad Chaudhry koishe muslim khan laga duita zaruri desh laga rishta toh bhal hoile toh etu para pura Ummah nimite bishi bhal hubole ase. 
Fawad koishe ke Iranian Foreign Minister Mohammad Javad Zarif para ami khan laga Foreign Minister Shah Mahmood Qureshi ke teen bar lok kurishe aro Iranians khan toh ami khan Saudi Arabia logote kotha kura toh pura bhal para jani ase. Aro iran bhi ami khan para ke asha kuri ase etu bhi ami khan bhal para jani ase. 
Minister koishe ke Prime Minister Imran Khan Saudi Arabia te ja samay te tai Saudi Arabia administration ke Iran te huwa jhamela toh komti kuri bole koishe. 
Tai note kurishe ke Iran aro Arab duniya majote jhamela toh ekbar para khotom toh nahubo.
Fawad Chaudhry koishe ke Prime Minister Imran Khan laga advice para Saudi policy te badlaf aha dekhi ase. aro asha kuri ase ke Saudi aro Iran majote jhamela toh aha samay te komti hoi jabole aro Ummah toh etu nimite lab hubole ase.
Tai koishe muslim states te mil-milab hoile toh pura muslim duniya te bhal hoi jabo.

Saudi Arabia toh olop saal bhitor te aro tai khan laga notun Crown Prince Muhammad bin Salman aha pichete tai khan bishi tagot pai ase. Etu toh ekdam bhal bhal policies region te utha nimite ase.