Lahore: Monday din te Pakistani authorities khan para Samjhauta Express services toh restore kurishe. Samjhauta Express services toh Lahore aro Delhi majote berai. Samjhauta Express services toh bilateral ties te jhamela hoi kena thaka nimite suspend kuri kena thakishe.
Train toh hodai Monday aro Thursday te Lahore para depart kure.
Radio Pakistan khobor kurishe ke Samjhauta Express toh 150 genika passengers loi kena Lahore railway station para India te jaishe.
Saturday din te New Delhi laga Railways officials para announcekurishe ke duita desh para tai khan laga anth para services operationalize kuribole agree kurishe. February 28 te India tai khan lag operations toh cancel kurishe.
Train toh hodai Wednesday aro Sunday din te Delhi para operate kure.
Pakistani authorities para February 28 te train services toh suspend kurishe. Etu toh Pulwama hamla pichete duita desh majote bilateral tensions ahija nimite thakishe.
Samjhauta Express naam toh “agreement” kotha laga Hindi word ase. Samjhauta Express te choita sleeper coaches ase aro ekta AC 3-tier coach ase.
Train service toh Shimla Agreement nichete July 22, 1976 te suru hoishe. Shimla Agreement nimite duita desh majote 1971 te larai toh settle hoishe.
Indian side te train toh Delhi para Attari te polai aro Pakistan laga side te Lahore para Wagah te polai.
Add Comment