NEW DELHI: Islamabad authorities khan para Samjhauta Express toh indefinetly suspend kurishe. Etu train toh India aro Pakistan majote bishi purana train services toh bon kurishe. Pakistan laga foreign office statement te koishe India logote train service toh agay khobor nadiya tok suspend kuri kena rakhibo koishe. Islamabad para etu kaam toh India aro Pakistan majote uthi thaka jhamela nimite kurishe.
Duita desh laga bilateral rishta te Pulwama te attanki hamla pichete ekdam biya hoishe. Pulwama te hamla kura toh Pakistan te thaka attanki group Jaish-e-Mohammed (JeM) para kurishe. Etru ghatna te 40 genika paramilitary forces khan murishe. Aro etu nimite India toh Pakistan opor para ‘most favoured nation’ laga status toh hatai dishe. Pakistani goods te 200 percent tariffs uthai dishe. Aro Pakistan te jai thaka Idnia laga nodi laga share bhi rukhai dishe. Jua kali Islamabad authorities khan Samjhauta Express train service suspend kuri dishe.
Pakistan laga foreign office spokesperson koishe Pakistan aro India majote uthi thaka jhamela nimite Samjhauta Express laga train services toh olop samay nimite rukhai dishe.
Pakistan laga foreign office koishe India aro Pakistan majote security situations toh bhal hoi ja pichete Samjhauta Express toh dubara chulibole suru kuribo. Hoile bhi etu opor te eku thik date diya nai. Etu kotha toh Pakistan Railways laga spokesperson para ekdam fusur te khobor diya pichete he janishe. Tai para koishe ke India te jabole thaka 8:00am (local time) laga train toh cancel kurishe.
Add Comment