Agencies: Indian Air Force (IAF) para Pakistani airspace laga F-16 opor te hamla kura nimite Pakistan toh tai khan laga sob airports aro airspace khan bon kuri dishe. Etu ghatna para Jammu aro Kashmir laga Poonch aro Nowshera sectors laga Indian airspace toh violate kuri dishe.
Din laga olop agote Pakistan toh tai khan laga domestic aro international flights toh immediately rhukai dishe. Rukhai diya airports khan toh Lahore, Multan, Faisalabad, Sialkot aro Islamabad airports thakishe.
ANI toh sources duwara koishe international flights kuntu Indian aro Pakistani airspace majote berai etu khan bhi affect hoishe koishe.
Din laga olop agote top Jammu aro Kashmir Police sources koishe teenta PAF F-16 fighter jets toh Nowshera sector te Indian airspace violate kurishe. Hoiel bhi Indian side para tai khan ke wapas khedai dishe.
Police official koishe jua kali fusur te jets toh Rajouri district laga Nowshera sector laga Indian air space te ahishe. Khobor hesab te air patrol kuri thaka Indian fighter jets toh immediately tai khan khilaf te hamla kuri kena tai khan ke LoC par te khedai dishe.
Top official koishe Indian airspace chari kena pola samay te Pakistan khan Indian territory te payload gerai dishe. Teenta Pakistani jets para ekta toh Indian air Force (IAF) khan para mari gerai dishe.
Wednesday din te Pakistani authorities para claim kurishe ke duita Indian fighters khan toh crash hoishe. Ekta toh Jammu aro Kashmir laga Badgam district te gerishe aro dusra toh Line of Control (LoC) bahar te gerishe. Pilot ke toh zinda dhuri kena ase.
Add Comment