Islamabad, March 08: Global Terrorism Index (GTI) 2025 report hisap te Pakistan tu duniya te second sobsey bisi terrorist laga hamla huwa desh hoisey. Etu ageyte fourth position te thakisey.
Institute for Economics and Peace (IEP) para publish kora etu report para Pakistan te atangwadi hamla tu bisi barithaka laga bari te janaisey. Aro 2024 te tatey, atangwadi hamla para manu mora tu 45% para uthisey.
Geo News para report kora hisap te tatey atangwadi hamla para manu mora laga number tu 2023 te 748 thaka tu 2024 te barikina 1,081 hoisey. Pura duniya te etu toh sobsey bisi
Terrorist attact bi double para bisi hoijaisey. 2023 te 517 thaka tu 2024 te 1,099 hoijaisey.
Global Terrorism Index (GTI) suru huwa picheyte ek saal bhitor te atangwadi attack 1,000 par huwa tu etu first time asey.
Report para enaka atangwadi attack barija tu Tehreek-e-Taliban Pakistan (TTP) laga influence barithaka logotey link kuriasey, kun para Afghanistan te Taliban wapas power te ahija pichey para situation ke biya kuridisey.
TTP tu Pakistan laga sobsey khatarnak atangwadi group asey, kuntu toh Pakistan te sob terrorist-related hamla te 52% manu mora laga zimidar asey.
Etu group para 2024 te 482 attack kurisiley kuntu te 558 manu murisey- juwa saal para 90% bisi. GTI report para enaka koisey, “Afghan Taliban tu 2021 te power te aha pichey para TTP para border faley safe luka jaga laga istamal kurikina, taikhan ke asani para attack kuribole di asey.”
Afghanistan ke border kora Balochistan aro Khyber Pakhtunkhwa duita bi sobsey bisi effect huwa jaga asey, kotey Pakistan te huwa 96% opor terrorist hamla experience korey. 2024 laga sobsey khatarnak attack tu Qetta railway station te huwa suicide bombing thakisey, kuntu toh ban hoikina thaka Balochistan Liberation Army (BLA) para kurisey. Etu attack te public aro sipahi khan milaikina komsikom 25 manu murisey.
2023 te BLA aro etu nisna ekey group para attack kora tu 2023 te thaka 116 para 2024 te 504 te uthijaisey.
GTI report para Pakistan laga terrorism ke duniya laga context te bi rakhi asey. Aro dikhaisey ki 2024 te duniyabhor te terrorist hamla para manu mora tu 11% para barisey.
Burkina Faso, Pakistan aro Syria te atangwad para manu mora laga highest record thakisey. Sahel region tu atangwadi laga main centre thakisey.
Islamic State (IS) tu sobsey khatarnak terrorist organization thakisey, kuntu toh khas kurikina Syria aro Democratic Republic of Congo (DRC) te 1,805 manu mora nimitey zimidar asey.
Add Comment