Agencies: Friday te UAE state news agency koishe United Arab Emirates (UAE) para Pakistan laga central bank te $3 billion deposit kuribo ase. Etu deposit toh ahibo laga olop din bhitor te hubo. Pakistani official koishe Islamabad bhi hope kuri ase ke etu para tail supplies laga deferred payments khan dibo.
Pakistan toh current account deficit control te anibole dikdar pai ase. Etu nimite Pakistan etiya economy te duk pai ase aro growth bhi kom ase.
Islamabad toh International Monetary Fund (IMF) logote bailout kotha te engage ase. Islamabad tai laga allies China aro Saudi Arabia para financial modot mangi ase.
WAM koishe UAE deposit toh Pakistan laga monetary policy support kuribole aim kuri ase. WAM laga announcement diya laga olop deri pichete Pakistani Information Minister Fawad Chaudhry Reuters ke koishe ke Islamabad toh UAE para tail laga deferment payments pabole hope kure ase.
Minister koishe UAE toh Pakistan te invest kuribole plan kure ase. Etu investment te refinery aro desalination plants bhi ase.
October te Saudi Arabia koishe tai Pakistan ke $6 billion loan dibo.
Add Comment