New Delhi, 12 May : India aru Pakistan laga border te ceasefire huni tension rukhi jaise, kintu diplomatic level te duita desh laga bitterness ulta dangor hoi ase. Etia, dui desh laga stars bhi etu situation upor te constant reaction di thakise. Indian stars nijor desh aru sarkar laga policies logot thakise. BJP MP aru actress Kangana Ranaut bhi India ke support kori statement di thakise.
Eitu majot, Pakistan laga actress Mishi Khan ekta video Instagram te post kori, Kangana ke threaten kori ase.
Video te Mishi Khan koi ase:
“Haa Kangana Ranaut, Pakistan laga jawab kene lagise… mouse laga support te kotha koi, Pakistan laga manu logot bura kotha koi diya laga daam tu dangor lagise. Future te kotha kobo age, bhabi lobi — amikhan ase Pakistan aru Pakistan laga manu ke defend koribo karone. Aru tumi nijor logot kotha lobi, nijor bhitor te jabo. Jodi next time Pakistan nai hoile Pakistan laga manuh logot bura kotha koi, taile ticket book kori tumake khujhi jabole lagibo, nai hoile match nisena middle ground te bhi loi jabole paribo. Challenge ase — Dubai nai hoile London te thakibi, ekta mukka pora bosti jabo tumar karone. Thik ase, mouse?”
Etu video pora situation aur bisi heated hoise, especially social media te jikhon te celebrities ek dusra ke publicly target kori ase.
Add Comment