July 27, 2024: Aro ekta patriarchal honor laka example deh, Pakistani maike laka baba aro uncles kan para taila theng kati di shae, ekta abusive marriage keh kotom kuri bole divorce file kura karne, Geo News para report kuri shae.
Patriarchal societies kan deh violence kan tho chui nah ase, maike kan keh control kuri bo karne. Maike laka nam kun Sobia Batool Shah ase, tai para police kan keh taila theng keh kati di shae kui shae, taila abusive aro deadbeat mota lokot deh ekta divorce file kura karne. Maike para mota tho taila kandan karne responsibility kitia b lua nai kui shae.
Etu violence laka ekdum disturbing act tho Gul Town deh hui shae. Incident para victim keh ekdum bnia physical aro mental trauma lokot deh chari di shae. Tai kitia b bira bol napari bo pareh.
Report isap deh Sobia laka baba, Syed Mustafa Shah aro taila uncles Syed Qurban Shah, Ehsan Shah, Shah Nawaz, aro Mushtaq Shah, kun axe duri nah taki shae, taikan para Sobia keh jokom kuri nah polai jai shae. Sobia tho chilai taki shae motot karne, Geo News laka isap deh.
Sobia keh ekta Nawab Shah hospital deh lui jai shae, police kan crime scene deh aha lokot. Maike para police keh, taila mota tho hotai abuse kuri takeh kui shae aro tai aro taila tuita bacha keh provide kuri bole napareh kui shae.
Add Comment