Peshawar, Pakistan, 14 November 2024: Ekta kara explosion phutai ekta ghor te, Pakistani Taliban khan laka purana stronghold te Thursday din te. Etu pra duita bacha muri jaishey aro kun manu jokom hoishey, police khan pra janai dishey.
Police khan echa b investigate kuri ase kina etu blast hoishey, aro kina manu bomb khan sa pra etu bomb toh banaishey, local police chief Irfan Khan pra koishey.
Blast toh Mir Ali te hoishey, Khyber Pakhtunkhwa northwest province te ekta city te, etu pra Afghanistan ke border kureh. Aro alak insurgents khan time to time security forces khan ke target kureh suicide bombing aro alak tharika pra.
Alak province te Thursday din te, ekta suicide bomber motorcycle chulai thakina, explosive saman phutai dishey ekta sunsam rasta te Charsadda district te, tai nijor ke murai dishey hoileh b kun ke b jokom kura nai, police khan pra koishey.
Local police officials Massod Khan pra koishey ki kunke target kuri takishey kubo napareh aro bomb disposal experts aro police khan echa b investigate kuri ase manu pra bomb khan bhuki thakishey na tai laka motorcycle te bomb lagai kina thakishey.
Add Comment