Pakistani YouTuber, India vs Pakistan Related Vlog film kuri thakia homoi, golee marishey

New York, 11 June : Pakistani YouTuber ke ekta security guard para golee marina murai dishey kunke tai India aro Pakistan bheej T20 World Cup 2024 match karney tai laga vlog laga part karney interview kuri thakishey, Sunday dey. Reports claim kurishey ki itu ghatna toh Karachi dey mobile market dey huishey. Pakistan media laga reports para agey kuishey ki ekta YouTuber Saad Ahmed ke ekta security guard para golee marina murai dishey kunke itu YouTuber para India vs Pakistan match karney build-up laga ekta part nishna interview kuri thakishey, Nassau County Stadium, New York dey.

Reports hisab dey itu YouTuber toh Karachi dey ekta mobile market dey jaina kunwa dukan malik khan laga video bytes lua piche dey itu guard laga muk osor dey mic lui jaishey, tai laga byte bhi luwoley hope kurina. Saad para tai laga views luwoley kosis kurishey aro tai laga coverage dey itu security guard  ke bhi feature kuriboley mun thakishey. Itu guard, huilewi, taike film kuria khushi painai aro Saad ke itu nakuriboley kuishey.

Piche dey, itu guard gussa uthishey aro itu YouTuber ke golee marina murai dishey. Reports para suggest kurishey Saad ke hospital dey lui jaishey huilewi tatey pahunjina jaani paishey ki tai muri jaishey, ARY news hisab dey.

Saad laga ekta saathi para claim kurishey ki tai toh tai laga khantan dey ekela breadwinner thakishey. Itu saathi toh itu YouTuber ke agey dey khota kuishey aro match laga build-up cover kuriboley jaishey.

Itu jagah laga CCTV footage para dikhaishey ki itu YouTuber toh namuria agey dey itu guard logot interact kuri thakishey. Reports hisab dey itu guard ke itu matter dey police para arrest kurishey.

Pakistan itu match India laga khilaf Sunday dey 6 runs para harishey, aro taikhan itia T20 World Cup 2024 elimination laga osor dey asey.