Uncategorized

Palestine para forced displacement reject kuri shae

October 14, 2023
27 Views
October 13, 2023: Palestinian President Mahmoud Abbas para US secretary of state Antony Blinken keh Palestine kan, Gaza deh Palestinians kan laka “forced displacement” tho reject kuri shae kui shae aro etu event para “second nakba: ani bo kui shae. Puila deh 1948 war para Israel create hui shae aro etu hwa karne Palestinians kan bishi displace hui jai shae. Etu Nakba tho ekta Arabic word ase kuto etu event keh refer kureh.
President para Blinken keh humanitarian corridors tho blockaded coastal enclave deh allow kuri bo lakeh kui shae humanitarian disaster prevent kuri bo karne.
United States para Israel kan keh aid di ase Hamas laka against fight kuri bo kanre aro etu time deh Blinken tho Palestinian President lokot mili shae Friday din Jordan deh. War laka 7th din deh Israel para Gaza city deh taka sob civilians kan keh polai jabi kui shae jaka para. Etu kwa tho ground operation shuru kuri bole ase kui ase. Israel para United Nations keh 24 hours di shae taikan laka staff keh move kuri bole.
Gaza laka Hamas rulers kan para tho Palestinians kan keh ghor deh heh taki b kui shae aro Israel laka against uthi b kui shae. Israel para taikan Hamas laka military infrastructure target kuri bo lakeh kui shae aro bishi wak tho etu mati laka pitor deh ase kui shae. Etu karne taikan evacuation order di shae civilians kan keh jokom nakuri bo karne.