March 9, 2024: Friday din deh U.N human rights office para ekta published report deh West bank aro East Jerusalem deh Israeli settlements kan establish kura tho ekta war crime nishi nah ase kui shae. Report tho Nov1, 2022 para shuru kuri nah October 32, 2023 tak cover kureh. Tateh taikan para 24,400 nishi nah housing units kan “advance” ase kui shae – monitoring tho 2017 deh shuru hua piche deh etu number tho sobse highest ase.
“West Bank tho crisis deh ase. Hoile b settle violence aro settlement-related violations kan shocking new levels punchi shae. Aro ekta viable Palestinian State establish kuri bole para laka possibility tho risk kuri ase,” U.N human rights chief Volker Turk para kui shae. Tai para etu report tho Human Rights Council deh report kuri shae Friday din deh.
Turk para settlement laka creation aro expansion kura tho Israel kan taikan laka population, taikan occupy kura jaka deh transfer kura nishi nah ase kui shae. ‘Kuto international law laka pitor deh war crime nishi nah ase,” taila office para ekta statement deh kui shae.
Add Comment