Palestinian officials koishey Israeli strike pra Gaza te 22 jun ke murai dishey

Deir Al-Balah, Gaza strip, 27 October 2024: Palestinian officals koishey northern Gaza te Israeli laka hamla pra 22 manu muri jaishey. Gaza Health ministry laka emergency service pra koishey manu mura toh 11 maiki or 2 bacha thakishey. Northern town Beit Lahiya te Saturday din hamla hoishey ghor aro building khan ke. Alak 15 jun maro jokom paishey , death toll toh aro uthibo pareh koishey. Echa tak toh Israeli military khan pra eku kwa nai. Israel khan northern Gaza te 3 weeks karne air aro ground hamla kuri ase , Hamas laka militants khan tadeh jama hoishey kwa pichideh. Hundreds nishina manu murishey aro tens of thousands nishina Palestinians khan Gaza city te polai jaishey etu latest displacement wave te. Israel khan echa b Gaza te hotai hamla kuri ase, aro Lebanon te Hezbollah militant group lokot b war te ase. Duita manu jokom hoishey explosive drone etka Lebanon pra launch kura laka  northern Israel laka industrial jaka te building te lagi kina, authorities pra koishey. Israeli airstrike Beirut laka southern neighborhood te kura toh jui aro dhunga kuri dishey hawa te. Saturday din te Israeli warplanes Iran te military targets khan ke hamla kurishey. Hamas aro Hezbollah ke b backing Iran pra. Etu hamla toh Iranian khan pra this month agae te ballistic hamla kura nimite wapas hamla kura laka ase.