Israel, 25 March 2025: Ekta Palestinian Oscar jita manu ke detained kuri kina ase occupied West Bank te Jakara hwa pichideh Israeli settlers aro Palestinians khan laka bitor te, activists pra koishey. Hamdan Ballal, kun No Other Land laka charta co-directors pra ekta ase, tai laka ghor surround kuri dishey settlers khan pra hamla time te Monday din te Susya laka bosti te, pasta Jewish American activists khan laka hisap pra. Co-director Yuval Abraham pra koishey Mr Ballal ke mari shey aro loi jaishey soldiers khan pra ambulance te, hoileh b etu toh Israel khan pra dispute kuri shey. Mr Ballal laka nam naloi kina, Israel Defence Forces (IDF) khan pra koishey tinta Palestinian aro ekta Israeli ke detained kuri shey “phator phika” laka suspect hwa pichideh security forces khan opor te.
Pasta Jewish American activists pra koishey dozen masked settlers khan etu hamla kuri shey Susya te 18:00 nishina te. Activists khan pra koishey taikhan bosti te jaishey incident toh document kuribo leh aro taikhan laka opor te hamla kuri shey, tadeh settlers khan pra taikhan laka gari window biya kuri dishey, taikhan ke khuri pra aro haat pra mari shey. Mr Ballal laka ghor te report kuri shey settlers khan pra surround kuri kina ase. Yuval Abraham, Israeli director kun Oscar jiti shey etu month Mr Ballal lokot, tai pra koishey manu khan jokom hoishey aro properties khan hamla te sop biya hoishey. Ekta activists pra BBC ke koishey taikhan Israeli soldiers khan ke complained kuri shey taikhan opor te hamla kuri ase koina. Taikhan koishey army khan ahishey aro settlers khan backed off kuri shey. Israeli laka army pra confirmed kuri shey IDF soldiers aro Israeli police khan jaka te punchi shey confrontation toh khotom kuribo leh.
Add Comment